Булган аймгийн Сэлэнгэ сумын Тариахтай багийн “Харлагийн голын-Адаг” гэдэг газар “Портер” загварын ачааны автомашинтай зорчиж явсан гурван хүн дөрөвдүгээр сарын 9 өдрөөс сураггүй болсон бөгөөд “Сэлэнгэ” мөрөнд осолдсон байж болзошгүй байна.
Улмаар эрэн хайх ажиллагаанд дэмжлэг үзүүлж ажиллах тухай хүсэлтийг аймгийн Цагдаагийн газраас дөрөвдүгээр сарын 12-ны өдөр Онцгой байдлын газарт ирүүлсэн байна.
Дөрөвдүгээр сарын 21-ний өдрийн байдлаар тус аймгийн Онцгой байдлын газрын даргаар ахлуулсан алба хаагчид, ар гэрийнхэн иргэн С /47 настай, эрэгтэй/, О /47 настай, эмэгтэй/, Б /6 настай, эрэгтэй/ нарыг хоёр бүлэгт эрэн хайх ажиллагааг зохион байгуулсан боловч үр дүнд хүрээгүй тул 20:10 цагт түр зогсоож өнөөдөр 08:00 цагт дахин эхлүүлсэн байна.
Эх сурвалж: ОБЕГ