Богдхан ууланд гарсан түймэр өнжмөл шар өвс шатсанаас болж гарсан гэх дүгнэлт урьдчилсан байдлаар гарчээ.
Тодруулбал, Хан-Уул дүүргийн наймдугаар хорооны нутаг Жаргалантын ам гэх газарт түймэр гарсан тухай дуудлага энэ сарын 20-нд бүртгэгдсэн.
Онцгой байдлын албан хаагчид гал түймрийг тухайн өдрийн 20:25 цагт цурамд оруулсан бол өчигдөр бүрэн унтраасан байна. Урьдчилсан байдлаар гал түймэр уулын оройд гарсан бөгөөд нийт 3-4 га талбайг хамарсан гэх дүгнэлт гарчээ.
