Нийслэлийн нийтийн тээврийн парк шинэчлэлийн хүрээнд өнгөрсөн онд тендер нь зарлагдаж орж ирэх ёстой байсан ч цар тахлын улмаас хил гааль дээр гацаад байсан 60 автобусны эхний ээлжийн 32 автобус өчигдөр /2022.05.23/ Улаанбаатар хотод ирсэн байна. Одоогоор тус автобуснууд зорчигч тээврийн нэгтгэлд байрлаж байгаа аж.
Уг автобуснууд нь БНХАУ-д үйлдвэрлэгдсэн 30 хүний суудалтай, 50 босоо зорчигчийн багтаамжтай. Мөн Монгол Улсын цаг уурын байдалд тохирсон -45 хэмийн хүйтэнд явах боломжтойгоос гадна хөгжлийн бэрхшээлтэй иргэд зорчиход зориулагдсан гэдгээрээ онцлог аж. Ойрын хугацаанд өнгөрсөн онд захиалсан 60 автобус, сурагчийн 75 автобус татан авна гэж Нийслэлээс мэдээллээ.
