Волейболын үндэсний дээд лигийн “Натур Мед Ноён” багийн тоглогч Т.Хангал Тайланд улсын волейболын лигт тоглохоор өнгөрсөн арваннэгдүгээр сард эх орноосоо мордсон билээ. Тэрбээр багийн хамтаар 2021 оны Үндэсний дээд лигийн аварга болж, “Шилдгийн шилдэг тэгш тоглогч”-оор тодорч байсан чадварлаг тамирчин юм. Тэгвэл Тайланд улсын 2022-2023 оны дээд лиг өнгөрсөн оны арванхоёрдугаар сарын 19-ны өдөр эхэлсэн бөгөөд түүний тоглож буй “Накхон Ратчасима” баг лигээ тэргүүлж байгаагаас гадна өмнөх долоо хоногийн “MVP” тоглогчоор Т.Хангал тодорч амжилттай тоглож байгаа ажээ.
М.Ариунаа
