Монгол жүдоч Б.Нармандах, Б.Хорлоодой нар Эмиратын төлөө анхны барилдаанаа ирэх зургаадугаар сард Душанбед хийнэ.
2023 оны эхээр АНЭУ-д легионероор очсон монгол жүдоч болох өсвөр үеийн ДАШТ-ий хошой хүрэл медальт Баянмөнхийн Нармандах, 2022 оны насанд хүрэгчдийн ДАШТ-ий V байрын шагналт Бишрэлтийн Хорлоодой нар зургадугаар сарын 2-4 өдрүүдэд Тажикистаны нийслэл Душанбед болох Гран при тэмцээнд шинэ эх орныхоо төлөө анхны барилдаанаа хийнэ.
Тэд үүний дараа зургадугаар сарын 16-18-нд Казахстаны Астанагийн "Их Дуулга"-д үүнээс долоо хоногийн дараа 23-25-нд болох Улаанбаатарын "Их Дуулга"-д тус тус барилдах юм.
.jpg)
