Монгол Улсын нэрийг олон улсад цуурайтуулан яваа “The HU” хамтлагт Чингис хааны мэндэлсэн өдөр буюу Монгол бахархалын өдрөөр /2019.11.17/ “Чингис хаан”-ы одонг гардуулсан.
Харин хамтлагийн залуус Хойд Америк дахь аялан тоглолтоо үргэлжлүүлж яваа тул тус хамтлагийн продюсер Б.Дашдондог тус шагналаа гардан аваад АНУ-ыг зорьжээ.
Тэрээр энэ сарын 15-ны өдөр The HU хамтлагийн залуустайгаа хамт эх орондоо ирэх аж. Тус хамтлагийнхан АНУ-д хийх аялан тоглолтоо энэ оны есдүгээр сарын 11-нээс эхлүүлсэн бөгөөд энэ сарын 7 ны өдөр сүүлийн тоглолтоо хийх ажээ.
