Хүчтэй хуй салхины улмаас таван ханатай гэр нурж, ашиглах боломжгүй болсон байжээ.
Тодруулбал, Баянхонгор аймгийн Эрдэнэцогт сумын Цагаан дэнж баг, “Дорнодын булан” гэдэг газар /аймгийн төвөөс баруун хойд зүгт 15 км, сумын төвөөс баруун урд зүгт 17 км/-т зургаадугаар сарын 08-ны өдрийн 19:00 цагийн орчим хүчтэй хуй салхи салхилсны улмаас иргэн Ч-ын 5 ханатай гэр нурсан тухай мэдээллийг тухайн өдрийн 20:20 цагт Онцгой байдлын ерөнхий газар хүлээн авчээ. Дуудлага мэдээллийн дагуу тус сумын Засаг даргын Тамгын Газрын ажилтнуудыг очиход иргэн Ч-ын 5 ханатай гэр хуй салхи салхилсны улмаас ашиглах боломжгүй нурсан байсан тухай мэдээллийг тус сумын Засаг даргын орлогч аймгийн Онцгой байдлын газарт мэдээлсэн.