Булган аймгийн Хөгжимт жүжгийн театрыг Төрийн шагналт, Урлагийн гавьяат зүтгэлтэн Н.Наранбаатарын нэрэмжит болгосон байна.
Энэхүү шийдвэрийг Булган аймгийн ИТХ-ын ээлжит XVI хуралдаанаар зөвлөлдөж шийдвэрлэжээ. Булган аймгийн Хөгжимт жүжгийн театрыг Монгол Улсын Төрийн шагналт, Урлагийн гавьяат зүтгэлтэн, орчин цагийн театрын урлагийн нэрт зүтгэлтэн Хутаг-Өндөр сумын уугуул Намнангийн Наранбаатарын нэрэмжит болгон ийнхүү баталж, тогтоолыг аймгийн ИТХ-ын дарга Д.Эрдэнэбат гардуулан өгчээ.
