БНСУ-ын "MAMAMOO" хамтлагийн гишүүн Хваса өөрөөсөө 12 насаар ах бизнесмэн залуутай үерхдэг гэх мэдээлэл цахим орчинд цацагджээ.
Энэ талаар "Sports Seoul" сэтгүүлд мэдээлснээр хосууд уулзаж эхлээд 5 жил орчим болсон бөгөөд түүний найз залуу 1983 онд төрсөн, хувийн бизнес эрхэлдэг нэгэн аж.
Эх сурвалжийн мэдээлснээр хосуудын харилцаа эхэндээ тийм ч амар байгаагүй гэнэ. Тухайлбал, олны танил хүн болон энгийн амьдралаар амьдардаг хүмүүсийн хоорондын ялгаа, насны зөрүү зэрэг нь хайр сэтгэлийн харилцаанд нь багагүй хүндрэл учруулжээ. Гэсэн ч түүний найз залуу чин сэтгэлээ илэрхийлсээр байсан тул Хваса хүлээн зөвшөөрч үерхэж эхэлсэн байна.
Одоогоор Хвасагийн төлөөлөгчид уг мэдээлэлд албан ёсны хариу тайлбар өгөөгүй байна.
