2020-2022 оны хугацаанд Баянзүрх дүүргийн хэмжээнд гол дагасан 8 байршилд 24 иргэн эндсэн харамсалтай мэдээлэл байна.
Жил ирэх тусам гол дагасан амрагч, аялагч нар ихсэж, эндсэн иргэдийн тоо ч нэмэгдэх хандлагатай байна. Энэ хүрээнд БЗД-ийн Гамшгийн эрсдэлийг бууруулах орон нутгийн зөвлөлийн гишүүд Туул гол дагуу газар дээр нь ажиллаж амрагч, аялагч нарын аюулгүй байдлыг сахиулах тал дээр тодорхой ажлуудыг хийхээр болжээ. Тухайлбал,
- Дроны хяналтыг сайжруулах
- Чанга яригчаар тогтмол мэдээлэл өгөх
- Аялагч, амрагчдын энддэг 8 хар цэгийг камержуулах
- Олон улсад мөрдөгдөж буй эрэг хамгаалагч буюу Coast Guard-тай болох
- Нэгдсэн цамхаг ажиллуулж 2-3км радиуст 24 цаг хяналт шалгалт хийх зэрэг ажлуудыг үе шаттайгаар хийх аж.
