Өмнөд Солонгосын Mamamoo хамтлагийн дуучин Hwasa коллежийн наадамд үзүүлбэр үзүүлэхдээ садар самуун явдлыг сурталчилсан гэх шүүмжлэлд өртсөн талаар бид өмнө нь мэдээлсэн.
Тодруулбал, өнгөрсөн тавдугаар сарын 12-ны өдөр “Sungkyunkwan” их сургуулийн фестивалд өөрийн хамтлагийн хит дуунуудийг дуулахын зэрэгцээ Loco-той хамтран "Don’t give" дуугаа дуулсан юм. Энэхүү үзүүлбэрийг үзэгчид “Их сургуулийн оюутнуудад үзүүлэхэд тохиромжгүй, садар самуун сурталчилсан” гэж ихээхэн шүүмжилж байсан юм.
Тэгвэл "Эцэг эх болон сурагчдын холбоо"-оос Hwasa-г коллежийн сурагчдын өмнө үзүүлбэр үзүүлж байхдаа ёс бус үйлдэлтэй бүжиг бүжиглэсэн хэргээр цагдаад өгчээ. Цагдаагийн газраас "Хэрэв шаардлага гарвал Hwasa-г байцаах болно" харин Hwasa-н компаниас "Хэргийн үнэн учрыг шалгаж байна" гэх тайлбар өгсөн байна.
