Тоосонд нь даруулна хэмээн наадамчин олны хамгийн их хүсэн хүлээдэг соёолон насны морьдын уралдаанд 205 хурдан хүлэг бүргүүлснээс 122 соёолон гарааны зурхайгаас эргэж, хэдхэн хоромын өмнө барианд орлоо.
Соёолон насанд,
- Түрүү магнайд Дархан-Уул аймгийн Дархан сумын уяач Ганболдын Ариунболдын хээр соёолон хурдалж, тод магнай торгон жолоогоо өргүүллээ.
- Аман хүзүүнд Орхон аймаг Баян-Өндөр сумын уугуул Аймгийн алдарт уяач Чулуунбатын Батжаргалын Зээрэн зээрд,
- Айргийн гуравт Өвөрхангай аймгийн Тарагт сумын уяач Баттулгын Наранбатын халтар,
- Айргийн дөрөвт Өвөрхангай аймгийн Арвайхээр сумын уугуул “МБЧ” ХХК-ийн уяач Санжаагийн Бямбасүрэнгийн хүрэн,
- Айргийн тавд Дундговь аймгийн Сайнцагаан сумын уяач Одонбаатарын Болдсүхийн ухаа соёолон хурдалж, уясан эзэн, унасан хүүхэд, үзсэн олноо баясгалаа.
