Өнөө шөнө болон маргааш өдөр төвийн аймгуудын ихэнх нутгаар дуу цахилгаантай аадар бороо орохыг Ус цаг уур орчны шинжилгээний газраас мэдээлсэн.
Иймд иргэдийг үер усны аюулт үзэгдлээс урьдчилан сэргийлэхийг Онцгой байдлын газраас анхааруулж, дараах зөвлөгөөг хүргэж байна.
- Үерийн аюултай бүсээс хол, аюулгүй газарт байрлах,
- Орон сууцны хорооллын гарааш, В1 давхар руу ус орохоос сэргийлэн хамгаалалт татах,
- Үерийн аюулаас гэр орон, эд хөрөнгө, ундны усны нөөц худгаа хамгаалах далан, суваг, шуудуу, хашлага барих,
- Хүүхдийг гол мөрөн, нуур, тогтоол ус, цөөрмийн ойролцоо тоглуулахгүй байх,
- Гол, мөрөн нуурын ойролцоо амарч зугаалахдаа сонор, сэрэмжтэй байж, уулын ам, голын ай сав, үерийн буулт бүхий газарт отоглож, хоноглохгүй байх,
- Зөвхөн баталгаат зам гүүрээр зорчихыг зөвлөлөө.
