Баянзүрх дүүргийн нэгдүгээр хороонд орших "Автай сайхан" хотхоны хажууханд "ЦЭЭБ" ХХК мод тайрч, барилга барих гэж байсныг оршин суугчид хүчтэй эсэргүүцэж байсан юм.
Тэгвэл УИХ-ын гишүүн Э.Бат-Амгалан тус компанийн үйл ажиллагааг зогсоохоор болсон талаар мэдээллээ. Тэрбээр, "РЦНК орчмын асуудал сүүлийн үед их яригдаж байна. Тухайн тойргоос сонгогдсон гишүүний хувьд өнгөрсөн хугацаанд ажлын алба, нийслэл, дүүргийн удирдлагуудтай олон удаа газар дээр нь ажиллаж, асуудлыг шийдвэрлүүлнэ гэдгээ оршин суугч, иргэдэд хэлж, холбогдох албан бичгийг шат шатны байгууллагад хүргүүлж байсан.
Тэгвэл өнөөдөр хотын дарга хамгаалалтын ажилтнуудаар хамгаалуулж, барилгын ажлаа эхлүүлээд байсан "ЦЭЭБ" ХХК-ны үйл ажиллагааг түдгэлзүүлэн шалгаж, хуулийн дагуу арга хэмжээ авах захирамж гаргана гэдгээ мэдэгдлээ.
Нэг хүн, нэг компанийн эрх ашгийн төлөө биш нийтийн эрх ашгийн төлөө шийдвэр гарах болсонд талархалтай байна. Бидэнд бетонон ширэнгэ биш, ногоон байгууламж, ээлтэй орчин хамгийн их хэрэгтэй" гэлээ.
