Neguun.mn сайтын сэтгүүлч Б.Анхбаярт холбогдох хэргийн шүүхийн урьдчилсан хэлэлцүүлэг өнөөдөр болохоор товлоод байсан билээ.
Тэгвэл урьдчилсан хэлэлцүүлэг болж, Б.Анхбаяр нарт холбогдох гэм буруугийн шүүх хурлын товыг тогтсон байна. Тодруулбал ирэх баасан гарагт буюу наймдугаар сарын 11-ний өдөр болохоор товложээ. Түүнийг Эрүүгийн хуулийн 17.6, 13.14-т заасан буюу Бусдын эд хөрөнгийг авахаар заналхийлэх, Худал мэдээлэл тараах гэсэн хэрэгт буруутган шалгаж байгаа юм.
