Энэ зун нийслэлд тохиосон их үерийн гамшгийн дараа усны далан, суваг, шуудуу хааж газар олгосон, барилга барьсан, холбогдох зөвшөөрөл олгосон албан тушаалтнуудыг АТГ болон холбогдох хууль, хяналтын байгууллагаас шалгаж эхлээд буй.
Мөн ХУД-ийн 3-р хороонд байрлах Шунхлай ШТС, СБД-ийн 1-р хороонд байрлах "S Outlet" 2 блок барилга, ХУД-ийн 15-р хороонд байрлах "Акуа Гарден" хотхоны (2блок барилга)-г албадан буулгах Нийслэлийн Засаг даргын захирамж гараад байгаа. Энэ хүрээнд энэхүү барилга, байгууламжийг буулгах тухай захирамжийг өнөөдөр /2023.08.31/ холбогдох албаны хүмүүс эзэмшигчдэд танилцуулж байна. Иймд ХУД-ийн 3-р хороонд байрлах Шунхлай ШТС-ыг буулгаж эхэллээ.
