Засгийн газрын өнөөдрийн хуралдаанаар Цагдаагийн ерөнхий газрын дарга Ж.Болдыг өөрийнх нь хүсэлтээр үүрэгт ажлаас нь чөлөөлж, түүний оронд ЦЕГ-ын Эрүүгийн цагдаагийн албаны даргаар ажиллаж байсан цагдаагийн хурандаа Т.Сүхболдыг томилсон талаар бид мэдээлсэн билээ. Тэгвэл ЦЕГ-ын даргаар томилогдсон Т.Сүхболд нь Хэнтий аймгийнх аж.
Тэрбээр:
- 1998-2001 онд Сонгинохайрхан дүүргийн Цагдаагийн хэлтэст цагдаа
- 2005-2007 онд Хэнтий аймгийн цагдаагийн газарт хэсгийн төлөөлөгч
- 2007-2011 онд Хэнтий аймгийн цагдаагийн газарт эдийн засгийн төлөөлөгч
- 2011-2013 онд Хэнтий аймгийн цагдаагийн газарт эдийн засгийн ахлах төлөөлөгч
- 2013-2018 онд ЭЦГ-ын Эдийн засгийн гэмт хэрэгтэй тэмцэх хэлтэст ахлах төлөөлөгч, тасгийн дарга,
- 2018-2020 онд ЭЦА-ны Эдийн засгийн гэмт хэрэгтэй тэмцэх газрын Мөнгө угаах гэмт хэрэгтэй тэмцэх хэлтсийн дарга
- 2020 онд ЭЦА-ны дэд бөгөөд Эдийн засгийн гэмт хэрэгтэй тэмцэх газрын дарга
- 2020 оны долдугаар сараас өнөөдрийг хүртэлх Эрүүгийн цагдаагийн албаны даргаар ажиллаж байсан нэгэн юм.
