Цаг уур, орчны шинжилгээний газраас ирүүлсэн мэдээгээр өнөө, маргаашдаа нутгийн төв хэсгээр нойтон цас орж, зөөлөн цасан шуурга шуурч, зам даваанд халтиргаа гулгаа үүсэж болзошгүй байна. Мөн Дархан-Уулаанбаатар чиглэлд нойтон цас орж, цасан шуурга шуурч байгаа учир иргэд жолооч нар онцын шаардлагагүй тохиолдолд тухайн чиглэлд зорчихгүй байхыг анхааруулж байна.
Иймд иргэн та;
- Цаг агаарын мэдээ, мэдээллийг цаг тухай бүр сонсон, мэргэжлийн байгууллагаас өгч буй сэрэмжлүүлэг, анхааруулгыг дагах;
- Онцын шаардлагагүй бол холын замд гарахгүй байх
- Тээврийн хэрэгслийн жолооч нар хол, ойрын замд гарах тохиолдолд тээврийн хэрэгслийн найдвартай байдлыг хангаж бензин, шатахууны нөөцтэй, дулаан хувцастай зорчих, баталгаагүй зам, гүүр, гарамгүй газраар зорчихгүй байх;
- Иргэд, малчид салхи шуурганд төөрөх, малтайгаа уруудах эрсдэлээс урьдчилан сэргийлж, малаа ойрын бэлчээрт хариулах, бага насны хүүхдийг малд явуулахгүй байхыг онцгойлон анхааруулж байна гэж ОБЕГ-аас мэдээллээ.
АНХААР‼️‼️‼️
— 🇲🇳 Монгол улсын иргэн Зориг 🇲🇳 (@zorig316) October 30, 2023
Хол замд явахдаа техникийн бүрэн бүтэн байдлыг хангаж, анхаарал болгоомжтой яваарай‼️‼️‼️
Яг одоо УБ-Дарханы зам🙏🙏🙏 pic.twitter.com/5wro51DZ7u
