Монголын сагсан бөмбөгийн холбооны үндэсний дээд лигийн 2023-2024 оны улирал өнөөдөр/2023.11.03/ албан ёсоор эхэлнэ.
Энэ удаагийн лигийн тэмцээнд 13 баг тамирчид, нэг цомын төлөө өрсөлдөнө. Харин өнөөдөр /2023.11.03/ тоглолтыг нээж эмэгтэй багаас Хасын Хүлэгүүд - Улаанбаатар Амазонс 17:30 цагаас тоглох бол эрэгтэй багаас Хасын Хүлэгүүд - Налайх Бизон 20:40 цагаас тоглоно.
Мөн нээлтийн үеэр Эмэгтэй Лигийн Аварга Ulaanbaatar Amazons багийн Тамирчид, Дасгалжуулагчид, Багийн эзэд, Арын албаныхан Аваргын бөгж гардах юм. Үндэсний дээд лиг- ын Аваргын бөгж нь 925-ын сорьцтой цэвэр мөнгөөр хийгдэж алтаар бүрсэн, Swarovski шигтгээтэй, нийт 27грамм жинтэй, бөгж дээр Үндэсний лигийн аваргын цомын дүрслэл, Аварга багийн нэр, тоглогчийн нэр, хувийн дугаар багтжээ.
