1998 оноос эхлэн зохион байгуулагдаж буй 36 дахь удаагийн "Гоёл-2024" наадам өчигдөр /2023.11.19/ амжилттай зохион байгуулагдаж өндөрлөлөө.
Тус наадмын загварын долоо хоног энэ сарын 15-17-ны өдрүүдэд үргэлжлэн, өчигдөр гала тоглолт болж шилдгүүдийг шалгаруулсан юм. Энэ удаагийн наадмын топ моделиор загвар өмсөгч А.Сайхантамир тодорчээ. Түүний хувьд “Гоёл 2016” наадмын дэд байрын эзэн, “Мисс Монголиа-2017” тэмцээний шилдгээр шалгарч байсан юм.
