"Цагаан зээрийн бэлчээр нутгийг хамгаалцгаая" уриан дор зохион байгуулагдаж буй “Янзаган хүрээг хайрлаарай - 2023” зүүн бүсийн эко клубуудын чуулган өнөөдөр /2023.11.21/ болж байна.
Хялганат хээрийн чимэг болсон цагаан зээрийг хайрлан хамгаалах үйлсэд дуу хоолойгоо нэгтгэхээр эко клубын хүүхдүүд, энгийн иргэд, эцэг эхчүүд, төрийн байгууллагуудын төлөөлөл зэрэг 400 гаруй зочид “Янзаган хүрээг хайрлаарай - 2023” чуулганд оролцжээ. Нээлтийн дараагаар хүүхдүүд цагаан зээрийн гоо үзэсгэлэнг урлагийн хэлээр дамжуулан хүргэх чуулбар тоглолтоо хүрэлцэн ирсэн зочдодоо толилуулсан байна.
