"Энхжин" хотхоны 102 дугаар байранд гал гарч байсныг унтраан утаажилтын бүсээс 30 иргэнийг авран хамгаалжээ.
Тодруулбал, Хан-Уул дүүргийн 11 дүгээр хороо, Энхжин хотхоны 102 дугаар байранд гал гарч байна гэсэн дуудлагыг 12 дугаар сарын 08-ны өдрийн 00:56 цагт Онцгой байдлын ерөнхий газар хүлээн авсан. Дуудлага мэдээллийн дагуу тус дүүргийн Онцгой байдлын хэлтсийн Гал түймэр унтраах, аврах 14 дүгээр ангийн алба хаагчид 6.5 км замыг туулан 01:08 цагт очиход эзэнгүй айлын 60 мкв байрны 20 мкв өрөөнд шүүгээ шатаж байсныг 20 минут ажиллаж унтраан Хан-Уул дүүргийн цагдаагийн 1 дүгээр хэлтэст хүлээлгэн өгсөн. Утаажилтын бүсээс 30 иргэнийг гаргасан.
