УИХ-ын чуулганы өнгөрсөн нэгдүгээр сарын 17-ны өдрийн /2024.01.17/ хуралдаанаар “Хянан шалгах түр хороо байгуулах тухай” Улсын Их Хурлын тогтоолын төслийг хэлэлцсэн. Тодруулбал, 318 тэрбум төгрөгөөр 2023 онд авсан "Ногоон автобус"-ны худалдан авалтыг шалгах "Хянан шалгах түр хороо"-г байгуулах үүргийг УИХ-ын дарга Г.Занданшатар өгсөн. Санал хураалтад 54 гишүүн оролцсоны 36 нь буюу 66.4 хувь нь дэмжсэнээр тогтоолын төслийг баталж,
Түр хорооны гишүүдээр:
- П.Анужин
- Д.Батлут
- Ж.Бат-Эрдэнэ
- Ц.Даваасүрэн
- Г.Тэмүүлэн
- Ж.Батсуурь
- Н.Ганибал
- С.Одонтуяа, Т.Доржханд нарыг томилсон юм. Мөн өнгөрсөн долоо хоногт Хянан шалгах түр хорооний эхний хурал болж, даргаараа УИХ-ын гишүүн Ж.Бат-Эрдэнийг сонгосон юм.
Мөн өнгөрсөн сарын 25-ны өдрийн /2024.03.25/ тус түр хороо хуралдаж, хянан шалгагч, шинжээч нарыг томилсон бөгөөд Хянан шалгах түр хороо өнөөдөр /2024.04.01/ 14.00 цагт Төрийн ордонд хаалттай хуралдахаар товлогджээ. Хуралдаанаар Түр хорооны тогтоолын төслийг хаалттай хэлэлцэнэ.
