Аргентины хөлбөмбөгчин Лионель Месси Испанийн “Барселона” клубтэй байгуулсан анхныхаа гэрээг салфеткан дээр бичиж байсан бөгөөд уг салфетк дуудлага худалдаагаар 762.4 мянган фунт стерлинг буюу 965 мянган ам.доллароор зарагджээ.
Лионель Месси 2000 оны арванхоёрдугаар сарын 14-нд “Барселона”-тай анхны гэрээгээ байгуулж байсан ба тухайн үед хөлбөмбөгчин 13 настай байсан юм. Тэрбээр 2003-2021 оны хооронд тус клубт тоглох хугацаандаа 10 удаа Испанийн аварга болж, Испанийн Супер цомд 8 удаа, Испанийн цомд 7 удаа, Аваргуудын лигт 4 удаа, УЕФА-гийн Супер цом, Клубүүдийн дэлхийн аварга шалгаруулах тэмцээнд тус бүр 3 удаа түрүүлсэн юм.
