2024-07-02 18:50
АН-аас парламентад сонгогдсон 42 гишүүн Төрийн ордонд өнөөдөр хуралдаж, УИХ дахь АН-ын бүлгийн даргаараа О.Цогтгэрэлийг сонгосон байна. Түүнд УИХ дахь АН-ын бүлгийн тамгыг нь тус намын дарга УИХ-ын гишүүн Л.Гантөмөр гардуулсан байна.
Ардчилсан намын бүлгийн хурал ардчилалтай, бас асуудлаа ил тод ярьж, чөлөөтэй өрсөлдөж улс төрийн соёлоороо гайхуулж байна.
— М.ЧИМЭДДОРЖ Chimeddorj M 🇲🇳 (@chimeddorjm) July 2, 2024
АН-ын бүлгийн даргаар О.Цогтгэрэл 28/42 саналаар улиран сонгогдлоо.
2024-07-02 18:35
АН-аас УИХ-д сонгогдсон 42 гишүүн яг одоо Төрийн ордонд хуралдаж бүлгийн даргаараа хэнийг сонгох асуудлыг хэлэлцэж байна. Тодруулбал, УИХ дахь АН-ын бүлгийн даргад Х.Баттулга, Н.Алтанхуяг, О.Цогтгэрэл нар нэр дэвшсэн ба дөнгөж сая Ерөнхийлөгч асан Х.Баттулга нэрээ татсан байна.
2024-07-02 16:44
Өнөөдөр УИХ-ын 126 гишүүн тангаргаа өргөж, тэдний 2024-2028 оны бүрэн эрх хэрэгжиж эхэллээ. Тэгвэл УИХ-ын анхдугаар чуулганы дараа АН-аас сонгогдсон 42 гишүүн яг одоо УИХ дахь АН-ын бүлгийн дарга, УИХ-ын дэд даргаа тодруулахаар хуралдаж байна.
Тодруулбал, УИХ дахь АН-ын бүлгийн дарга О.Цогтгэрэл, Х.Баттулга, Н.Алтанхуяг нар нэрээ дэвшүүлээд байгаа аж. Харин УИХ-ын дэд даргад С.Одонтуяа, Б.Пүрэвдорж, Д.Ганбат нар нэр дэвшээд байгаа аж. Харин АН-аас сонгогдсон УИХ-ын 42 гишүүний олонхын саналаар тус хоёр албан тушаалыг хаших хүмүүс тодрох бололтой.
