Баянзүрх, Сүхбаатар дүүргийн цагдаагийн газар, Шүүхийн шийдвэр гүйцэтгэх газраас гэмт хэрэгт сэрдэгдсэн этгээдээр эрэн сурвалжлагдаж байсан Б-г өнөөдөр /2024.09.12/ 02 цагийн орчимд Баянгол дүүргийн нутаг дэвсгэрээс олж тогтоон саатуулах үед цагдаагийн алба хаагчийн шаардлагыг эсэргүүцэн "Toyota Prius-20" маркийн тээврийн хэрэгслийг жолоодон зугтахдаа цагдаагийн гурван алба хаагчдыг мөргөж гэмтээн ойролцоо байсан 3 тээврийн хэрэгсэлийг мөргөсөн хэрэг явдал гарчээ.
Харин цагдаагийн алба хаагчид эсэргүүцэл үзүүлсэн сэжигтэй этгээдэд мөргүүлсэн ч түүнийг баривчлан саатуулж чадсан байна. Ингээд тус хэрэг явдлын дараа алба хаагчид эмнэлгийн тусламж авсан ба одоогоор тэдний биеийн байдал хэвийн байгаа талаар эх сурвалж бидэнд мэдээллээ.
