Авлигатай тэмцэх газрын дарга З.Дашдавааг тус албан тушаалд улираан томилох асуудлыг хэлэлцэх үеэр /2025.04.02/ УИХ-ын гишүүн Б.Энхбаяр "7.5 тэрбум төгрөгийн авлигын мөнгө сейфэндээ хадгалж байгаад баригдсан С.Батдөл ШШГЕГ-ын Богд Уулын амралтын газар ялаа эдэлж байна. Засгийн газар яагаад байгаа юм. Энийг амралтын газар амрааж байгаа хүн нь мөнгө мэддэг сайд байна гэсэн үг. Амрааж байгаа хүнээ олж шийтгээрэй" гэж хэлсэн нь олны анхаарлыг татсан.
ВИДЕО:
УИХ-ын гишүүн Б.Энхбаяр: Хоригдлыг галчаар амраасан юм байна. Галч гэж хоригдол байдаг юм уу. Б.Жавхлан сайдын сонгуулийн ерөнхий менежер нь ямар хүн байсан бэ. Тэр хүн С.Батдөлтэй хамаатан байна уу, аав нь байна уу, ээж нь байна уу үз. Улстөрийн хүрээнд ямар албан тушаалд хэнийг лоббидож томилогдсон бэ гэдэг мэдээллүүд байдаг. С.Батдөлийг Б.Жавхлан авчирсан гэж мэдээлэл байдаг. Би 2023 оны 12 дугаар сард нүүрсний сонсгол хийж байхад л энэ асуудлыг ярьж байсан. Б.Жавхланг гэрчээр дуудаж байсан.
