Цирктэй холбоотой асуудлаар Соёл, спорт, аялал жуулчлал, залуучуудын сайд Ч.Номингоос тодрууллаа.
Тэрбээр "Бид циркийн салбарынхантай хэд хэдэн удаа уулзалт хийсэн. Энэ хүрээнд 2025 онд хийж хэрэгжүүлэх ажлын тайланг боловсруулсан. Манай боловсролын яамны харьяа хөгжим бүжгийн коллежийн дэргэдэх циркийн зөвлөл байдаг. Мөн циркийг хөгжүүлэхэд анхаарч бид олон улсын тэмцээн уралдаанд оролцсон уран бүтээлчдийг урамшуулан шагнадаг тогтолцоог бий болгож байгаа.
Урлагийн байгууллагууд ч ашгийн төлөө ажилладаг. Бүх зүйлийг төр дааж хийх боломжгүй. Төрөөс хуулийнхаа хүрээнд хийж хэрэгжүүлэхээр соёлын өвийг хамгаалах ,түгээн дэлгэрүүлэх, сонгодог язгуур урлагийг хөгжүүлэх, нийтийг соён гэгээрүүлэхэд анхаарч ажиллана. Бусад чөлөөт уран бүтээлчид, арилжааны чанартай, эдийн засгийн зарчмаар үйл ажиллагаа явуулдаг байгууллагууд зах зээлийн зарчмаар үйл ажиллагаагаа явуулах ёстой гэж харж байгаа. Мөн бид циркийн уран бүтээлчдэд зориулсан байр бий болгоход шаардлагатай газрыг олгохоор төлөвлөсөн. Одоогийн байдлаар Соёлын яамны зүгээс байршлыг зөв тодорхойлон газар олгохоор ажиллаж байгаа гэсэн үг" гэлээ.
ШУУД ҮЗЭХ:
