Нүхэн жорлон ухаж байсан иргэд нүхэндээ унаж бэртсэн хэрэг гарчээ.
Тодруулбал, жорлон ухаж байсан иргэд нүхэндээ уналаа гэсэн дуудлага өчигдөр (06/12) 18 цагийн үед Нийслэлийн онцгой байдлын газарт иржээ.
Дуудлагын дагуу шалгахад, Нийслэлийн Баянзүрх дүүргийн 20 дугаар хороо, Шар хоолойн Их-Амны задгай гэдэг газар хоёр хүн нүхэн жорлонд унаж ухаан алдсан байжээ.
Таван метрийн гүнтэй нүхэн жорлон ухаж байсан иргэн 43 настай эрэгтэй Б, 20 настай эрэгтэй Т нар ухаан алдсан байдалтай байсныг гаргаж, эмнэлгийн анхан шатны тусламж үзүүлэн эмнэлгийн байгууллагад хүлээлгэн өгчээ.
