Аргентины Хөлбөмбөгийн холбоо (AFA) долдугаар сарын 15-ны өдрийг "Үндэсний шигшээ багуудын өдөр" болгон албан ёсоор тэмдэглэхээр боллоо.
Тус өдөр нь Аргентины шигшээ баг 2026 оны ДАШТ-ий хагас шигшээд Английг 2:1-ээр буулган авч, финалд шалгарсан түүхэн ялалтын өдөртэй давхцаж байгаа юм. AFA-гийн мэдээлснээр, уг өдрийг зөвхөн эрэгтэй шигшээ багийн амжилтыг бус, эмэгтэй шигшээ, залуучууд, футзал, далайн эргийн хөлбөмбөг зэрэг Аргентины бүх үндэсний шигшээ багийн амжилтыг хүндэтгэн тэмдэглэх зорилгоор бий болгожээ.
Гэхдээ энэ нь Аргентины Засгийн газраас бүх нийтийн амралтын өдөр болгон зарласан шийдвэр биш бөгөөд зөвхөн Аргентины Хөлбөмбөгийн холбооны санаачилсан тэмдэглэлт өдөр юм. Долдугаар сарын 15-ны өдөр Английг буулган авсан тоглолт нь Аргентины хөлбөмбөгийн түүхэн ялалтуудын нэг болсон билээ.
Эх сурвалж: The Times
