ОУХМ, ахмад гүйгч Б.Болдбаатар Говь-Алтай аймгаас Улаанбаатар хүртэлх 1000 км гаруй замыг гүйлт хийж туулахаар замдаа гарчээ.
Тэрээр өнөөдрийн байдлаар Элсэн тасархай дээр яваа бөгөөд наймдугаар сарын 8-нд Улаанбаатар хотод хүрэх төлөвлөгөөтэй байгаа аж. Говь-Алтай аймгаас Улаанбаатар хүртэл нийтдээ 34 хоногийг зарцуулах юм байна. ОУХМ Б.Болдбаатарын хувьд 54 настай бөгөөд ийнхүү хурд хүч, авхаалж самбаагаа холын замд сорьж явна.
