Автомашинаа хөдөлгөх үедээ нярай хүүхдийг мөргөж амь насыг нь хохироосон харамсалтай хэрэг гарчээ. Тодруулбал, 2020 оны наймдугаар сарын 20-ны 17:13 минутын орчимд СХД-ийн 33 дугаар хороо Тахилтын зам, ... дугаар хашаан дотор Toyota Harrier маркийн автомашины жолооч П нь хашааны хаалгаар орох үедээ нэг ой таван сартай, эмэгтэй А-г мөргөж, амь насыг нь хохироосон байна. Иймд тээврийн хэрэгслийн хөдөлгөөн эхлэхээсээ өмнө, хашаа, зогсоолоос орж гарах үедээ автомашинаа тойрч шалгаж байхыг тээврийн цагдаагийн албанаас анхааруулж байна.
