Монголын Үндэсний Бөхийн холбооны тэргүүн Ц.Магалжав Улсын онцгой комиссын Шуурхай штабын дарга Б.Ууганбаярыг шүүхэд өгөхөөр болжээ.
Тэрбээр энэ талаар "УОК-ын Шуурхай штабынхан миний ярьсан зүйлийг зориудаар мушгин гуйвуулж, хоёр минутын бичлэгийг тасдаж аваад нэр төрд минь халдсан. Би бодит байдлыг л бичиж, ард түмнээсээ уучлалт гуйсан. Гэтэл үүний дараа шууд бичлэг хийж, зохион байгуулалттайгаар миний нэр төрд халдсан. Тиймээс нэр төрөө сэргээлгэхээр Б.Ууганбаяр даргыг шүүхэд өгнө. Үүнийгээ ч түүнд хэлсэн" хэмээжээ.
Ташрамд өгүүлэхэд, Монгол бахархлын өдөрт зориулсан бөхийн барилдааныг цуцлах болсон талаарх мэдээллээс үүдэж, МҮБХ болон УОК ээлж дараалан мэдээлэл хийж, өөрсдийгөө буруугүй хэмээж байсан юм.
