Сураггүй болсон малчны цогцсыг олжээ. Тодруулбал, Хэнтий аймгийн Галшар сумын харьяат малчин А энэ сарын 8-нд гэрээсээ гараад сураггүй алга болсон тухай мэдээлэл арванхоёрдугаар сарын 11-нб өдөр тус аймгийн Онцгой байдлын газарт иржээ.
Дуудлагын дагуу тус аймгийн Бор-Өндөр сум дахь Онцгой байдлын хэлтсийн Гал түймэр унтраах, аврах 49 дүгээр ангийн алба хаагчид, ар гэрийнхэнтэй нь хамтран эрэн хайх ажиллагаа зохион байгуулсан. Эрлийг өчигдөр хүртэл явуулж, тус сумын Оч багийн “Энгэр-Өлзийт” гэдэг газраас тус иргэний цогцсыг олж,Галшар сумын Цагдаагийн хэсгийн төлөөлөгчид шилжүүлэн өгсөн байна.
