Хүүхдийн мөнгөн тэтгэмжийг олгох журмын талаар өнөөдөр Засгийн газрын хуралдаанаар хэлэлцжээ.
Ирээдүйн өв сангийн тухай хуульд 2021 оны 11 сард орсон өөрчлөлтийн хүрээнд хууль ёсны асран хамгаалагч хүсвэл сард нэг удаа хүсэлт гаргаж Хүүхдийн мөнгийг бэлнээр авах эрхтэй гэсэн нэмэлт өөрчлөлттэй холбоотой асуудлыг хэлэлцсэн байна. Ерөнхий сайдын зүгээс сар бүр хүсэлт гаргах нь иргэдэд хүндрэлтэй учраас энэ асуудлыг хүүхдийн мөнгө олгохоос өмнө буюу долоо хоногийн дотор шийдвэрлэх хугацаатай үүрэг өгчээ.
