BBC агентлаг Украинд өрнөж буй сүүлийн үеийн үйл явдлыг тоймлон хүргэжээ. Тус мэдээлэлд, “Оросууд Украин руу довтолж эхэлсэн зургаа дахь өдөр Киевт 06:00 цаг өнгөрч байна.
Та юу мэдэх хэрэгтэй вэ:
- Оросын арми Киев рүү тасралтгүй урагшилж байгаа бөгөөд хиймэл дагуулаас авсан зургаас 40 миль (65 км) урттай хуягт цуваа үүсчээ.
- Оросын цэргүүд өмнөд хэсгийн Херсон хот руу хуурай замын дайралт хийж эхэлсэн гэж гэрчүүд мэдээллээ.
- Өнгөрөгч шөнө /2022.02.28-03.01/ тус улсын хотуудад дахин дэлбэрэлтийн чимээ сонсогджээ.
- Албаныхны хэлж буйгаар олон арван энгийн иргэд амь үрэгдсэн гэж байгаа ч энэ тоог дутуу тооцоолсон гэж үзэж байна.
- Орос, Украины элч нар Даваа гараг /2022.02.28/-т Беларусийн хил дээр энхийн хэлэлцээ хийсэн ч ойрын өдрүүдэд “дахин уулзах амлалт”-аас өөр тохиролцоонд хүрсэнгүй.
- Украины ерөнхийлөгчийн хэлснээр энхийн хэлэлцээ өрнөж байсан ч Оросууд Харьков, Киев, Чернигов зэрэг хот, суурингуудыг буудсан хэвээр байна.
- Ерөнхийлөгч В.Зеленский Украины дээгүүр нислэггүй бүс тогтоож, Оросыг НҮБ-ын Аюулгүйн зөвлөлийн байнгын гишүүнээс гаргахыг уриалав.
- Украин Европын холбоонд элсэх албан ёсны хүсэлтээ илгээсэн бөгөөд Европын холбооны бусад найман орон уг арга хэмжээг дэмжиж байгаагаа илэрхийлсэн байна.
Эх сурвалж: BBC