Украины Дотоод хэргийн яамны зөвлөх А.Геращенко өнөөдөр /2022.03.01/ Оросын арми Харьков хотын төвд пуужингийн цохилт өгсний улмаас наад зах нь 10 хүн амь үрэгдэж, 35 хүн шархадсан гэж мэдэгдлээ.
Тэрээр, “Эрх чөлөөний талбай далавчит пуужинд оногдсноос 5-7 минутын дараа аврагчид очсон. Гэтэл байшинг дахин пуужингаар харавсан. Захиргааны байрны гуравны нэг нь нурсан" гэж Telegram хуудастаа бичжээ. Одоо нурангийг цэвэрлэж, эрэн хайх ажиллагаа үргэлжилж байгаа бөгөөд үүнээс ч олон хүн бэртэж гэмтэн, хохирогч болох магадлалтай байна” гэж тэр нэмж хэлжээ.
Эх сурвалж: CNN