Ерөнхий сайд Л.Оюун-Эрдэнэ өнгөрсөн хоёрдугаар сард БНХАУ-д албан ёсны айлчлал хийсэн. Энэ үеэр Гашуунсухайт-Ганцмод боомтын төмөр замын улсын хилийн огтлолцлын цэгийг эцэслэн тогтоосон.
Энэ талаар Сангийн сайд Б.Жавхлан ярихдаа "Манай улс нарийн цариг оруулж ирнэ. Гашуунсухайт-Ганцмодны боомт дээр нарийн царигаа оруулж ирээд өргөн цариг дээрээ тохируулаад ачаагаа шилжүүлээд явна. Энэ дагуу Хятадын талын төмөр зам манай огтлолцлын цэг дээр ирчихсэн байгаа. Гашуунсухайт-Тавантолгой чиглэлийн төмөр замын бүтээн байгуулалт ирэх 7 сард дуусч, ашиглалтад орно. Энэ төмөр замаа Хятадаас орж ирсэн нарийн царигтай тохируулж, төмөр замаа ашиглана" гэж мэдэгдсэн.
Тэгвэл нүүрс ачиж, буулгах терминалыг манай Гашуунсухайт, БНХАУ-ын Ганц модны боомтын алинд нь байгуулахыг гуравдугаар сардаа багтаан шийдвэрлэнэ гэж албаныхан мэдэгдлээ.
Аль ч талдаа барьсан манайд ашигтай гэдгийг тэд мөн ярьж байгаа юм.
