Энэ дөрөвдүгээр сарын эхээр нийслэлийн Цагдаагийн удирдах газрын харьяа Сүхбаатар дүүрэг дэх цагдаагийн газрын Замын цагдаагийн хэлтсийн дарга, Чингэлтэй дүүрэг дэх цагдаагийн газрын Замын цагдаагийн хэлтсийн дарга нар мөрийтэй тоглож байгаад үйлдэл дээрээ баригджээ. Тус үйлдлийг ЦЕГ-аас дотоод хяналт шалгалтаар илрүүлсэн бөгөөд албан шалгалт хийж, удахгүй дүгнэлт гарахаар танилцуулах аж.
