Нуурын ус руу орж, живж байсан иргэнийг эсэн мэнд гаргажээ.
Тодруулбал, Ховд аймаг, Зэрэг сум. Хөндлөн багийн “Хөдөө” нуур гэдэг газар /аймгийн төвөөс урд зүгт 123 км-т, сумын төвөөс хойд зүгт 3 км-т/ “Хөдөө” нуурын усанд 1 хүн живж байна гэсэн дуудлагыг 05.27-ны өдрийн 21:39 цагт хүлээн авсан.
Тус аймгийн Онцгой байдлын газрын Зэрэг сум дахь Гал түймэр унтраах, аврах 70 дугаар ангийн алба хаагчид 3.5 км замыг туулан 21:43 цагт очиход “Хөдөө” нуурын усанд тус сумын харьяат иргэн Б /31 настай, эрэгтэй/ согтуугаар гэр бүлийнхэнтэйгээ маргалдсаны улмаас нуурын ус руу орж, живж байсныг 3 минут ажиллан эсэн мэнд гаргаж, тус сум дахь Цагдаагийн хэсэгт 22:08 цагт хүлээлгэн өгсөн.
