Эрээн хотод коронавирусийн халдварын дөрвөн тохиолдол бүртгэгдсэн тул өчигдөр /2022.06.02/ хөл хорио тогтоосон билээ. Улмаар өчигдөр үдээс хойш орж ирэх байсан чингэлэг бүхий ачаануудыг хилээр гаргаагүй байна. Гэсэн хэдий ч Эрээн- Замын-Үүд боомтын үйл ажиллагаа хэвийн явагдаж байна гэж албаныхан мэдээлсэн юм.
Тэгвэл Эрээн хотын Худалдааны товчооноос өнөөдөр Луут завины баярын өдөр тохиож буйтай холбогдуулан хил хааж, зургаадугаар сарын 4-нд буюу маргааш нээх талаар мэдэгдэл ирүүлсэн талаар Замын-Үүд дэх Гаалийн газраас мэдээллээ.
