Энэ жилийн Олон Улсын хүүхдийн эрхийг хамгаалах өдөр буюу зургадугаар сарын 01-нд цагдаагийн байгууллагын 102 дугаарын утсанд 1971 дуудлага иржээ. Үүний 137 нь гэр бүлийн хүчирхийлэл болон хүүхэдтэй холбоотой дуудлага мэдээлэл байна. Бүртгэгдсэн гэмт хэргийн улмаас 12 хүүхэд хохирогч болж, бие махбодийн бэртэл гэмтэл авсан бол нас барсан тохиолдол ч гарчээ.
Өнгөрсөн 2021 оны зургадугаар сарын 01-нд буюу Хүүхдийн эрхийг хамгаалах өдөр цагдаагийн байгууллагад 1225 дуудлага ирсний 259 дуудлага нь гэр бүлийн хүчирхийлэл болон хүүхэдтэй холбоотой гэмт хэргийн мэдээлэл байжээ.
Гэмт хэргийн хор уршгаар хоёр хүүхэд хохирсон байна. Харин энэ жил хүүхдийн эрхийг хамгаалах өдрөөр гэмт хэргийн золиос болсон хүүхдийн тоо 12 болон нэмэгдсэн байна. Мөн өчигдрын /2022.06.02/ байдлаар хүүхэд, гэр бүлийн хүчирхийлэлтэй холбоотой 124 дуудлага бүртгэгдэжээ.
