Баян-Өлгий аймгийн Баяннуур сумын тавдугаар багийн “Цагаан гарам” гэдэг газар /аймгийн төвөөс зүүн зүгт 100 км-т, сумын төвөөс баруун зүгт 7 км-т/ бага насны хүүхэд тавдугаар сарын 30-ны өдрийн 11:00 цагийн орчим гэрийнхээ гадна тоглож байгаад сураггүй болсон бөгөөд “Ховд” голын усанд осолдсон байж болзшгүй тухай дуудлагыг тавдугаар сарын 30-ны өдрийн 17:15 цагт хүлээж авчээ.
Дуудлагын дагуу тус аймгийн Онцгой байдлын газрын алба хаагчид, ар гэрийнхэн И /2 настай, эрэгтэй/-ийг тус сумын Цагаан-Арал багийн “Цагаан гарам” гэдэг газраас “Хуст-Арал” гэдэг газар хүртэл 15 км-т завиар, голын эрэг дагуу 20 км-т явганаар эрэн хайх ажиллагааг зохион байгуулсан боловч үр дүнд хүрээгүй тул 21:50 цагт түр зогсоосон. Зургадугаар сарын 03-ны өдрийн 08:00 цагт эрэн хайх ажиллагааг дахин эхлүүлсэн тухай Онцгой байдлын ерөнхий газраас мэдээллээ.
