Засгийн газрын өнөөдрийн /2022.06.22/ хуралдаанаар цементийн үнэ буулгах асуудлаар аж, ахуй нэгжүүдтэй уулзалт хийж, шат дараатай арга хэмжээ авахаар болсон талаар Барилга хот байгуулалтын сайд Б.Мөнхбаатар мэдэгдсэн.
Түүнээс гадна шинэ сэргэлтийн бодлогын хүрээнд гэр хорооллын асуудлыг цогцоор шийдэх загварыг боловсруулж, Засгийн газрын хуралдаанд танилцуулахыг мөн Б.Мөнхбаатар сайдад үүрэгджээ. Нийслэлийн хүн амын 60-аас дээш хувь нь гэр хороололд амьдардаг бөгөөд орон сууцжуулах, дулаан, усны асуудлыг шийдвэрлэх нь нэн тэргүүний тулгамдсан асуудал болоод байгаа юм.
