Өнөөдөр /2022.11.24/ Өвлийн эхэн сарын шинийн 1-ны өдөр тохиож байна. Товчхондоо өнөөдрөөс эхлэн Монголд өвлийн улирал эхэлж байна.
Тэгвэл Цаг уур, орчны шинжилгээний газраас, “ирэх долоо хоног /2022.11.28-12.04/нийт нутгаар хүйтний эрч чангарч шөнөдөө -40 хэмд хүрэх бол, Улаанбаатар хотод 32-34 градус хүрч цаг уурын онц аюултай үзэгдэл болох гэж байгаа” талаар анхааруулжээ.
Тодруулбал, өнөөдөр, маргааш /2022.11.24-25/ төв болон зүүн аймгуудын нутгаар, энэ сарын 27, 28-нд ихэнх нутгаар цас орж, цасан шуурга шууна гэсэн бол, цаашдаа 11-р сарын 28-наас 12 дугаар сарын 02-ны өдрийг хүртэл хугацаанд нийт нутгаар хүйтний эрч эрс чангарч шөнөдөө 29-34 градус, өдөртөө -19-24 градус хүйтэн байх аж. Харин Улаанбаатар хотод 11 дүгээр сарын 24, 27, 28-нд цас орж, энэ сарын 28-наас 12 дугаар сарын 01-ний өдрүүдэд хүйтний эрч эрс чангарч, шөнөдөө 32-34 градус, өдөртөө 23-25 градус хүрч хүйтэн байх ажээ. Иймд энэ хугацаанд зам тээвэр, хөдөө ах ахуй, боловсролын үйл ажиллагааг хэвийн явуулахад ноцтой хүндрэл учирч болзошгүй байгаа аж.