БНСУ-ын Кангнам дүүргийн сургалтын төв дамжаанууд олноор байрладаг гудамжинд ахлах ангийн хүүхдүүдэд "Санах ой сайжруулж анхаарал төвлөрүүлэхэд тустай ундаа" гэж хууран хар тамхины хольцтой ундаа өгсөн ноцтой хэрэг гарчээ.
Ингэхдээ ундаа уусан хүүхдүүдийн эцэг эхийг нь “Хэрвээ та нар хамтран ажиллахгүй бид цагдаад мэдэгдэнэ” хэмээн сүрдүүлсэн дөрвөн хүний нэгийг баривчилжээ.
Тодруулбал, Сөүлийн Кангнам дүүргийн цагдаагийн газар энэ сарын 5-ны өдөр академийн урд ахлах сургуулийн сурагчдад хар тамхи агуулсан ундаа өгч байсан 49 настай А-г баривчилсан тухай мэдээлэв. Ундаа зарж байсан сэжигтнүүд Ганнам-гу оффисын буудлын орчимд 40 орчим насны эрэгтэй, 20 орчим насны нэг эмэгтэй, Дээчи өртөөний ойролцоо 40 орчим насны хоёр эмэгтэй болон хуваагдан ажиллаж байсан байна. Тэдний өгсөн ундааг уусан сурагчид толгой нь эргэлдэж байна гэсэн гомдлыг шууд гаргаж, хохирогчийн хүүхдүүдийн эцэг эх "Хүүхдийнх нь биед ундаа уугаад сонин боллоо" гэх дуудлагыг 112 утсанд ирүүлсэн гэж мэдээллээ.
Цагдаагийн байгууллагын шалгалтын үр дүнд уг ундаанаас метамфетамин илэрсэн байна. Уг ундааг хуванцар саванд савлагдсан бөгөөд "ой тогтоолт, төвлөрөл, төвлөрөл, мега ADHD" гэсэн шошготой, лонхны ёроолд дотоодын томоохон эмийн үйлдвэрийн нэрийг бичсэн байжээ. Мөн оюутнуудад ундаа санал болгохдоо эцэг, эхийнх нь холбоо барих хаягийг асууж байсныг тогтоожээ.
Одоогийн байдлаар хууртагдаж хар тамхины найрлагатай ундаа уусан хохирогч 7 хүүхэд байгаа бөгөөд ундаа уусан өөр хохирогч байгаа эсэхийг хайж байгаа бөгөөд эргэн тойрны сургуулиуд хүүхдүүдээсээ асуулга авч байна. Мөн ундаа тараасан 20-иод насны 2 хүн нь өөрсдөө цагдаагийн газар ирж "Интернэтээр цагийн ажлын зар харж хийсэн бөгөөд хар тамхитай ундаа байсныг мэдээгүй" гэж мэдэгдсэн байна. Хар тамхитай ундаа тараалгасан гэмт этгээдүүд үүгээр зогсохгүй хохирогчийн эцэг эх рүү нь (хятадын солонгос аялгатай хүн) залгаж "Хүүхэд чинь хар тамхитай ундаа уусныг цагдаа сургуульд нь мэдэгдэнэ" гэж сүрдүүлж байжээ. Ундаа тараалгасан цаад этгээдүүд хэн болох энэ нь 'войс пишин' буюу утасны залилангийн хэрэгтэй холбоотой эсэхийг тус дүүргийн цагдаагийн газар шалгаж буй аж.
ВИДЕО:
