Дэлхийн алдарт жүжигчин Жэки Чан 2005 онд гарсан тулааны урлагийн уран зөгнөлт адал явдалт "The Myth" киноны үргэлжлэлд тоглохоор гэрээ байгууллаа.
Тус киног өмнөх ангийг найруулсан Жэки Чаны найз болох Стэнли Тонг (Бронкс дахь Румбэл) найруулна. Мөн киноны үргэлжлэл буюу дараагийн анги 50 сая долларын төсвөөр хийгдэх тов гарчээ. Энэ нь Хятадын кино урлагт томоохон хөрөнгө оруулалт болох юм.
Үргэлжлэлд Жэки Чан археологийн шинжээч профессор Ченийн дүрд дахин тоглох болно. Мөсөн голын экспедицийн үеэр шавь нарынхаа олж илрүүлсэн эд өлгийн зүйлсийн бүтэц нь зүүдэндээ харсан хаш зүүлттэй гайхалтай төстэй болохыг анзаарснаар киноны үйл явдал эхэлнэ. Уг зүүлт нь мөрөөдлийн ертөнц ба бодит байдлын хоорондох гүүр болж байна гэж сэжиглэж, профессор Чен судалгааны багаа удирдан Мөсөн голын сүм рүү гүн гүнзгий аялж, гайхалтай адал явдалд оролцох аж.
"The Myth" кино нь 2005 онд нээлтээ хийхдээ Хонконгийн оны хамгийн их орлого олсон гурав дахь кино болж, дэлхий даяар нийт 120 сая долларын орлого олсон байна. 69 настай Чаны хамгийн сүүлд гаргасан “Ride On” тулаант драм 2-р сард Берлиний кино зах дээр худалдан авагчдад санал болгож, улмаар Хятадад 30 сая доллар, олон улсын бусад нутгаас 5 сая орчим долларын ашиг олсон байна. Дэлгэрэнгүйг ЭНД ДАРЖ харна уу.
