Сүхбаатар аймаг Алтан овооны тэнгэрийг тайх тахилга 110 жилийн ойн үеэр баяр наадмын талбайд хуушуурын 60, худалдаа үйлчилгээний 70, 6 ресторан, шорлог түргэн хоолны 9 цэгт үйл ажиллагаа явуулж, зөвшөөрөл үнэ төлбөргүй олгохоор болжээ.
Харин худалдаа үйлчилгээ эрхлэгчид тог цахилгааныг өөрсдөө шийднэ. Хуушуур болон худалдаа үйлчилгээ эрхлэгчдийн байрлал сонгох сугалааг 8-р сарын 3-ны 13 цагт Дарьганга сумын ЗДТГ-т явагдана. Алтан овооны энгэрт Сүхбаатарт үйлдвэрлэв брэнд бүтээгдэхүүний худалдаа явагдана.
Мөн
- Тоглоомын зөвшөөрөл олгохгүй бөгөөд мөрийтэй тоглоомыг хязгаарлана.
- Тоглоом болон худалдаа үйлчилгээ эрхлэгч бүр хогийн сав байрлуулна.
- Мал эмнэлэг болон Стандарт хэмжилзүйн хэлтсээс Сорилтын лаборатори ажиллаж мах махан бүтээгдэхүүний эрүүл ахуй аюулгүй байдалд хяналт тавина.
- Баяр наадмын талбайн хойд талд хүндэтгэлийн гэрүүд, урд талд гэр үзэсгэлэнгүүд, зүүн талд худалдаа үйлчилгээнийхэн байрлах аж.
