Хүнс, хөдөө аж ахуй, хөнгөн үйлдвэрийн яамны Төрийн нарийн бичгийн дарга Т.Жамбалцэрэн, тус яамны газар хэлтсийн дарга нар, Мал эмнэлгийн газрын удирдлагууд 21 аймаг, нийслэлийн Хүнс, хөдөө аж ахуйн газар, Мал эмнэлгийн газрын дарга, мэргэжилтнүүдтэй цахимаар хуралдлаа.
Тус хурлын үеэр цаг агаар, зуншлагын нөхцөл байдал, малын эрүүл мэнд, ургацын төлөв, тулгамдаж байгаа асуудал, өвөлжилт, хаваржилтын бэлтгэл хангах чиглэлээр авч хэрэгжүүлж буй арга хэмжээ зэрэг цаг үеийн асуудлаар Хүнс, хөдөө аж ахуйн газар, Мал эмнэлгийн газраас мэдээлэл өгч, санал солилцсон байна.
Хөдөө аж ахуйн салбарын 2023-2024 оны өвөлжилт, хаваржилтын бэлтгэл хангах зарим арга хэмжээний тухай Засгийн газрын 2023 оны 279 дүгээр тогтоол, Ерөнхий сайдын 03 дугаар албан даалгаврын хэрэгжилтийг эрчимжүүлэх, цаашид авч хэрэгжүүлэх арга хэмжээний талаар Төрийн нарийн бичгийн дарга үүрэг, чиглэл өглөө.
