Монголын сагсан бөмбөгийн Үндэсний дээд лигийн 2023-2024 оны улирал эхлээд даруй таван долоо хоног өнгөрчээ.
Дээд лигийн шилдэг тоглогчдын нэг "BCH" Гарьд багийн Б.Мөнхболд дахин лигт тоглохгүй гэх утга бүхий мэдэгдэл гаргажээ. Тодруулбал, тэрбээр "Миний хувьд энэ улирал Үндэсний Дээд Лигт тоглож буй сүүлийн улирал маань гэж бодож байгаа. Дараа улирал дээд лигт тоглохгүй" гэжээ.
Дээд лигт анх нисдэг, тохдог гэдгээрээ алдаршсан Б.Мөнхболд сагсан бөмбөгийн холын шидэлтүүдийг амжилттай гүйцэтгэж, шилдэг тоглогчдын нэгээр нэрлэгдсэн домог болсон тоглогч билээ.
